సోరక్కాయ వడియాలు:
కావలసిన పదార్థాలు :
సొరకాయ : ఒకటి (చిన్నది)
మినపప్పు : పావుకేజీ
పచ్చి మిర్చి : 150 గ్రా.
ఉప్పు : ఆరు చెంచాలు
ఇంగువ : రెండు చెంచాలు
రాగిపిండి : ఒక కప్పు
పసుపు : రెండు చెంచాలు
అల్లం : చిన్న ముక్క
తయారుచేసే పద్ధతి :
ముందుగా మినప్పప్పును నానపెట్టుకోవాలి. సోరక్కయను చెక్కుతో సహా సన్నటి ముక్కల్లా తరిగి పెట్టుకోవాలి. ఈ ముక్కల్లో ఉప్పు,పసుపు వేసి బాగా కలపాలి. పది నిమిషాల తర్వాత ఈ ముక్కల్ని ఓ వస్త్రంలోకి తీసుకొని గట్టి మూటలా కట్టి పిండితే నీరు వచ్చేస్తుంది. నానిన మినప్పప్పును మెత్తగా రుబ్బుకొని అందులో మిగిలిన పదార్థాలన్నీ ఒక్కొక్కటీ చొప్పున వేసి బాగా కలపాలి. ఈ పిండిని గుమ్మడి వడియాల్ల పెట్టుకొని బాగా ఆరాక డబ్బాలోకి తీసుకోవచ్చు.