మిడాస్ స్పర్శ - The Midas touch - Telugu moral stories
ప్రాచీన గ్రీకు రాజు పేరు మిడాస్. ఆ రాజుకి బంగారం అంటే చాలా ఇష్టం. ఆ రాజు కి చాలా సంపద ఉంది. అతనికి ఒక చక్కని కూతురు కూడా ఉంది.
ఒక రోజు ఆ రాజు బంగారు నాణాలు లెక్కించుకుంటూ ఉండగా ఒక అదృష్ట దేవత ఎదురుగా కనపడింది. రాజు చాలా ఆదరించి, గౌరవించాడు. అతని మర్యాదలకి సంతోషించి ,అదృష్ట దేవత, ఏదైనా వరం కోరుకోమంది. ఆ రాజు అస్సలు ఆలోచించకుండా, “నేను ఏది నా చేతితో తాకితే, అది బంగారం గా మారాలని,” కోరాడు.
దేవత కి తెలుసు ఇదేమంత గొప్ప వరం కాదని, కానీ అడిగాడని, కాదనక, రాజుకా వరం ఇచ్చేసింది. రాజు మహా సంతోషంతో, ఎదురుగా ఉన్న ఒక ఆపిల్ పండు ని ముట్టుకున్నాడు. అది వెంటనే మెరిసిపోతూ బంగారు పండు గా మారిపోయింది. ఇంకా వెర్రి ఆనందంగా రాజా భవనం లోని వొస్తువుల్ని బంగారు మయం చేస్తుండగా, అక్కడికి వాళ్ళమ్మాయి వొచ్చింది.
పరమానానందంతో గబా గబా వెళ్లి పట్టేసుకున్నాడు. అంతే, ఆ పాప జీవం లేని ఒక బంగారు బొమ్మగా మారిపోయింది. అదిచూసి రాజు ఏడుస్తూ, ఆ అదృష్ట దేవత కోసం ప్రార్ధించాడు. “నాకీ శక్తి వొద్దు. నా పిల్ల కి మామూలు రూపం రావాలని,” ప్రార్ధించాడు. బంగారంగా మారినవన్నీ మళ్ళీ యధా రూపం లోకి వొచ్చాయి. అమ్మాయిని చూసుకుని రాజు మురిసిపోయాడు. రాజుకి బుధ్ధి వొచ్చింది. తనకున్న దానితో హాయిగా, తృప్తిగా జీవించటం నేర్చుకున్నాడు.
నీతి: అత్యాశకి పోరాదు. మనకున్నదానిలో సంతృప్తి గా ఉండటం మంచిది.